21:53:32 2016-07-15
Hamzai, 28-vjeçar e ka humbur t` ëmën, mbrëmjen e 14 korrikut në atentatin në Nicë të Francës. „Ajo që mund të them në këto çaste të rënda është se nëna ime ka qenë e mbuluar, duke praktikuar një islam të vërtetë, e jo terrorist“
Hamzai dhe babai i tij janë duke dalur nga Qendra universitare mjekësore e Nicës, një qendër e transformuar në qendër azili për të afërmit e viktimave, ndërsa është e mbrojtur nga policia.
Me sy të skuqur e me një batanije mbi shpinë, Hamza ka pranuar të evokojë kujtimet për t`ëmën Fatime Charrihi, e cila vdiq gjatë atentatit disa orë më parë.
„Ishte viktima e parë, nuk kishte të tjera kufoma para saj…“, ka rrëfyer me lot në sy, banuesi i Nicës për t`ëmën që kishte shtatë fëmijë, shkruan „Express“, njofton „Shtegu.com“.
Gjatë atentatit, bashkëshorti i saj Ahmedi ka qenë duke u kujdesur për veturën në një afërsi të ngjarjes. „Dola jashtë që të përkujdesm për veturën“, pohon Ahmedi i shokuar, i cili ka përshkruar se si kamioni i kishte goditur njerëzit sikur të ishin lecka, duke i bërë copë e grimë.
„Ajo ishte me nipat dhe mbesat. Vëllai im tentoi ta reanimojë, por ajo vdiq në vendin e ngjarjes, gjë të cilën e konfirmuan edhe mjekët“, deklaron më tej Hamzai.
Hamzai i ri vazhdon rrugën drejt morgut ku janë të vendosura kufomat e atentatit, duke përshkruar t`ëmën si një nënë të jashtzakonshme. „Ajo që mund të them në këto çaste të rënda është se nëna ime ka qenë e mbuluar, duke praktikuar një islam të vërtetë, e jo terrorist“, përfundon ai.
