HAPNI FLAMUJ, LE TË VALOJNË!
Hapni flamujt, le të valojnë,
mbani në duar, o ju shqiptarë!
Le të qëndrojnë mbi tokën tonë kuq e zi,
si dëshmi se shqiptarët e mbajnë gjallë këtë Shqipëri!
Flamujt duke valuar,
mbani në duar, o shqiptarë!
Sot le të valojnë për bijtë e lirisë,
për çdo trim e luftëtar të gjakut të shqiptarisë.
Kushtrim për liri!
Zgjohuni me krenari!
Se bijtë e lirisë ende qëndrojnë,
edhe kur padrejtësitë mbi ta rëndojnë.
Të lodhur nga largësia,
ku i mbajti padrejtësia,
por me zemër plot krenari,
ata mbetën burra në histori.
Ah, sa mall ka vëllai për vëllanë,
në shpirt e mban që kur u ndanë;
sa net pa gjumë, sa heshtje në lot,
sa pritje të gjata nëpër mot!
Mblidhuni, shqiptarë, nën jehonën e lahutës!
Le ta dëgjojnë fushat dhe malet,
le ta dëgjojë Dardania mbarë:
Po vijnë nga larg luanët shqiptarë!
Po vijnë nga larg,
me plagët në shpirt,
me një histori që i përgëzon
me lavdi e bukura Dardani.
Dhe kur flamujt të valojnë,
Shqipja qiellin atë ditë le ta pushtojë;E le tju tregojë se ata kan me ardh
Që të dëgjoje bota sot mbarë:
Se bijtë e lirisë nuk vdesin — ata janë gjallë,
sa të ketë Shqipëri,
sa të ketë shqiptarë!
Akad. Miftar Tërshnjaku