19:28:46 2016-07-15
Politikani i Partisë SVP, nga Kantoni i Valisit në Zvicër, Jean-Luc Addor do të duhet të përgjigjet para Gjykatës rajonale të Sionit, për shkak të një postimi në Twitter.
Prokuroria e Valisit e ka paditur politkanin e SVP-së nga Kantonii Valisit, Jean-Luc Addor pranë Gjykatës rajonale të Sionit, për shkak të diskriminimit racor, shkruan „Tages-Anzeiger“, njofton „Shtegu.com“. Kjo është bërë e ditur gjatë një kumtese të paradites së sotme.
Pas të shtënave me armë në një xhami në St. Gallen, më 22 gusht të vitit 2014 të cilat shkaktuan një viktimë shqiptare, Addor ishte aktivizuar në Facebook dhe Twitter. Lidhur me atentatin, ai kishte shkruar: „Duam edhe më tepër raste të tilla“, gjë të cilën Prokuroria e vlerësoi si normë penale kundër diskriminimit racor (Artikulli 261 Nga Kodi penal zviceran- StGB).