LAJME

Sportistët austriakë gëzojnë babain kosovar me dy jetimë

94 Lexime

Një grup garuesish austriakë të biçikletave „Twenty4Charity“ kanë kursyer dhe kanë tubuar 4.343 euro. Çeku i kursimit me të hollat i është dhënë familjes Ulaj.

 

 
Disa garues austriakë të biçikletave nga Gmundeni i Austrisë, kishin vendosur të marrin pjesë në një garë të mbajtur në Semmering. Për t`i dhënë kësaj gare sportive një kuptim më të thellë, për çdo xhiro të kaluar, sponsorët kanë tubuar të holla të cilat i kanë përgatitur për qëllime bamirëse, shkruan „Nachrichten.at“, njofton „Shtegu.com“. Duke iu falënderuar përkrahësve të shumtë, në lokalet e bukura të sallës bashkiake, javën e kaluar shuma e tubuar i ishte dorëzuar familjes Ulaj.

 

 

Babai i ri nga Kosova dhe dy fëmijët e tij 4-, e 6-vjeçar, në mënyrë tragjike e kishin humbur bashkëshorten, gjegjësisht nënën e tyre.

 

 

Gjatë dorëzimit të të hollave, u premtua se edhe gjatë verës do të ndërmerret një garë e tillë, me ide të reja humanitare.