LAJME

Policia italiane shfrytëzon shqiptarin si grep në tregtinë me kokainë

30 Lexime

Një shtetas gjerman dhe dashnorja e tij austriake, kanë dashur të shesin më tej dhjetë kilogramë kokainë, në Lombardi të Italisë. Por, atë që nuk e kishin ditur: Blerësi, një shqiptar, tashmë kohë të gjatë ishte vëzhguar nga policia italiane.

 

 

Një çift gjermano austriak me fëmijën e tyre njëvjeçar, është hetuar në Italinë Veriore në përpjekje për të shitur dhjetë kilogramë kokainë, bëjnë të ditur mediet italiane, njofton „Shtegu.com“. Çifti në fjalë, një shtetas gjerman 33-vjeçar dhe një austriake 27-vjeçare, janë arrestuar pasditen e së martës në Lentate sul Seveso.

 

 

Që të dy kishin shpresuar se lëndën narkotike do t`ia shesin një shqiptari 28-vjeçar. Por, ata nuk e kishin ditur se klienti i tyre ishte vëzhguar për një kohë të gjatë nga policia e Milanos. Gjatë shitblerjes së mallit, ata i arrestojnë që të tre të dyshuarit. Përpos drogës, policia ka konfiskuar edhe një shumë të hollash në vlerë prej 166.000 euro, para të gatshme.

 
Çifti ka qenë i angazhuar për shërbime korriere, ndërsa bëhet fjalë për transportin e më tepër se 40 kilogramëve kokainë, nga Holanda për në Itali.