Plagoset me thikë një kosovar në Zvicër

Pasditen e së premtes, në Olten të Zvicrës janë takuar disa persona e më pas kishte filluar zënka mes tyre. Sipas një komunikate të policisë zvicerane, gjatë kësaj janë përdorur edhe armë të ftohta, me ç `rast njëri nga ta ka pësuar lëndime në gjoks, por është jashtë rrezikut për jetë. Dy persona menjëherë janë arratisur nga vendi i ngjarjes me veturë, por pas pak kohësh janë ndaluar nga policia. Bëhet fjalë për dy kosovarë të moshës 21 dhe 45-vjeçare, të cilët për momentin gjenden në paraburgim. Shkaku u zënkës ende është i paqartë, transmeton „Aargauer Zeitung“.