Fejzi Hajdari: Ali Ahmeti ka afat dyzet e tetë orë në dorëheqje

E përditshmja serbe „Danas“, ka shkruar një artikull në të cilin është analizuar situata e tensionuar në Maqedoni. Si problem kyç të kësaj situate, „Danas“ e potencon liderin e BDI-së, Ali Ahmetin ndaj të cilit, opozita maqedonase është shumë e „sjellshme“. Nga ana tjetër, gazeta në fjalë pasqyron edhe thirrjen të cilën publikisht ia kishte bërë Ali Ahmetit, drejtori i gazetës „Lajm“ në Maqedoni, Fejzi Hajdari, i cili i jep afat 48 orësh Ali Ahmetit për të dhënë dorëheqje dhe si „kompensim“ për këtë, të amnistohet nga të gjithë skandalet dhe aferat, duke përfshirë edhe përgjimet eventuale të të ashtuquajturave „bomba“ të liderit të LSDM-së, Zoran Zaev.“Mjafton që të kërkojë falje dhe të pranojë publiksht se asnjëherë më nuk do të përkrahë politika antishqiptare dhe se nuk do të jetë kundër mirëqenies sociale të të gjithë qytetarëve të Maqedonisë, pa dallim feje apo kombi“, citohet të ketë thënë Hajdari.