Lidhur me ardhmërinë e Jasinit të vogël, fëmijës shqiptar nga Maqedonia, tashmë është angazhuar edhe sportdashësi dhe trajneri me famë botërore, Ottmar Hitzfeld (66), i clili të dielën ka ardhur në Grenzach-Wyhlen në përpjekje për të gjetur një donator të qelizave embrionale për Jasinin.
Ai ka përkrahur Qendrën gjermane të të dhënave për shërimin e palcës së eshtrave (DKMS) dhe betejën e Jasinit ndaj kësaj sëmundjeje, për të cilën deri më tani nuk është gjetur ndonjë donator. Sipas një komunikate të DKMS, për Ottmar Hitzfeldin menjëherë ka qenë e qartë se duhet të përkrahet Jasini vogël. „Porsa e pranova ftesën e DKMS, nëse do të regjistrohesha në aksionin e ndërmarrë për të shpëtuar Jasinin, në mënyrë spontane dhe pa kurrfarë dyshimi, pranova. Ku ka më mirë se sa të shpëtosh një jetë fëmije“, ka deklaruar ish trajneri i Kombëtares zvicerane.
Ai e kishte formuluar edhe dëshirën e tij për Jasinin e vogël: „Jasinit nga zemra i dëshiroj që sa më shpejtë të gjejë donatorin e nevojshëm“.
Të përkujtojmë se ende pa i mbushur vetëm dy vite, ndërsa i sëmurë për vdekje: Fëmija i vogël shqiptar, Jasini nga Grenzach-Wyhlen i Gjermanisë, ka nevojë për një donacion të shërimit të palcës së eshtrave. Shumica e gjermanëve kanë shprehur gatishmëri për të ndihmuar, ndërsa tani ka filluar një aksion i madh për tu regjistruar, shkruan „Badische Zeitung“, transmeton „Shtegu.com“.
Kërkimi për një donator të shërimit të palcës së eshtrave për Jasinin e vogël është duke vazhduar: Nën patronatin e kryetarit të komunës, Tobias Benz, Qendra gjermane e të dhënave për shërimin e palcës së eshtrave (DKMS) kishte paraparë një aksion që u mbajtë më 18 tetor në „Hochrheinhalle“, për të ndihmuar fëmijën një vjeç e gjysmë shqiptar, i cili është duke vuajtur nga një defekt i rrallë imunitar. Janë paraparë edhe aksione të shumtë me të cilët do të tubohen të hollat e nevojshme, si psh edhe organizimin e tregut nëpër rrugë, në Basler Strasse, prerja e folkëve etj.
Gatishmëria për ndihmë është e madhe, ndërsa e ëma, Adisa Asani, nga brengosja e madhe, nuk ka ndonjë pasqyrë se si mund të përfundojë aksioni.
Jasini është duke vuajtur nga një sëmundje kronike granulomatose, e cila nuk i mundësin jetë të mirë kualitative, si dhe e i ofron një jetë të shkurtër. Para se Jasini të shkojë tu bashkohet moshatarëve të tij për lojë, e ëma është e detyruar rregullisht ta dezinfektojë. Ai me gjithë dëshirë vrapon nëpër shportta e mbushura me rërë, por një gjë të tillë e ka rreptësisht të ndaluar për shkak të bakterieve të shumta, ka spjeguar e ëma e tij. (Shtegu.com)