Granit Xhaka drejt piedestalit më të lartë

Futbollisti kosovar Granit Xhaka, përndryshe anëtar i Kombëtares zvicerane në futboll dhe lojtar në Bundesligën gjermane, është përzgjedhur në Top 11 për sezonin 2014/15 të portalit „Bundesliga.de“, të votuar nga gjithsej 400.000 përdorues, së bashku me super yjet, siç janë Robert Lewandowski apo Kevin De Bruyne!
Gjatë këtij sezoni, Xhaka ishte i angazhuar në Mönchengladbachun e trajnerit Lucien Favre, në pozitën e gjashtëshes. Njëzetedyvjeçari, në 30 ndeshje shënoi dy gola dhe një asistim. Nga 205 lojtarë në „kicker.de“, Granit Xhaka gjendet në pozitën e 27-të.