Mëngjesin e së shtunës, më 13 dhjetor 2015, rreth orës 10.00, policia federale e Gjermanisë, në pushimoren Wittenhorts të autostradës A3, ka kontrolluar një veturë me autotarga italiane, në të cilën kanë qenë dy shqiptarë të moshës 26-, dhe 30-vjeçare. Gjatë kontrollit të detajuar, policia ka gjetur të fshehur në veturë 600 gramë kokain, thuhet në një komunikatë të policisë, njofton „Shtegu.com“. Me këtë rast, shqiptarët janë arrestuar përkohësisht dhe i janë dorëzuar autoriteteve përkatëse në Essen, për shqyrtim të mëtejmë të lëndës. Çmimi rrugor i shitjes së lëndës narkotike është vlerësuar në 39.000 euro.
09:50:37 2015-12-15