Bedri Hajdari: “Na morën në qafë kurvat, pederat e laperat”

Familjarët e të dënuarve në rastin “Monstra” me revoltë të madhe e kanë pranuar vendimin e Gjykatës së Apelit, me të cilin u konfirmuan dënimet e përjetshme për gjashtë të akuzuarit në këtë rast. Ata janë të sigurtë se rasti ka prapavijë politike dhe akuzojnë partinë që ka dalë me moton “Fillojmë”.

“Me pedera, lapera, kurva e xhankera nuk kryhet punë. Insistoj ta shkruani kështu siç po ju them unë, pa mi ndryshuar fjalët.  Maqedonasit po i japin zor me treguar vetveten se kanë shtet, deri sa deri sa dikush po thotë fillojmë, kemi me fillu, e nuk e di se çka. Po i ka zënë gjumi këta tanët, e ata s’po i bëj aspak fajtor”, deklaroi për “Lajm” Bedri Hajdari, familjar i disa të dënuarve në rastin “Monstra”.

“Portalet po tregojnë se çka ka ndodh dhe si ka ndodhë. Unë jam i gatshëm të futem në poligraf bashkë me ata që janë dënuar, kurse ai zotnija që është i involvuar në këtë rast nuk po guxon të futet.  Kjo nuk mund të kalojë bash kështu…Jo, jo… Dikush të sh***dhehet mes veti, e ne të dënohemi me burg të përjetshëm…nuk shkon kështu. Nuk mund të pajtohemi që të na shfrytëzojnë si minjtë për ekspermienta. Mozot ma keq… Eee shqiptarë e shqiptarë, ku e kemi sjellë punën….”, shton Hajadari, dukshëm i revoltuar nga ky vendim i fundit i gjykatës. Ai paralajmëron konsultime me avokatët për hapat e mëtutjeshëm edhe pse nuk shpreson shumë se drejtësia do të fitojë.

“Po shifet se ky proces po zhvillohet sipas motos “Kadiu të akuzon, kadiu të dënon’.

Një vjet e gjysëm u nevojitën që Gjykata e Apelit të sjellë vendim, tash edhe një vit e gjysëm do të shkojë deri sa të sjellë vendim Gjykata supreme. Çdo herë kur po duhet të bëhet ndonjë ndryshimi, po i shfrytëzojnë shqiptarët. Na kanë bë si poligon me njerëz të gjallë. Ne do të shkojmë deri në fund. Si do të del fundi nuk e di, sepse ne nuk kemi as polici, as ushtri, as gjykata por me më ardhë në këmbë nuk do tua falim”, thekson Hajdari. (Lajm)