Shtatëdhjeteshtatëvjeçarja gjermane, Heidi Hetzer në korrik të vitit të kaluar kishte filluar udhëtimin e saj rreth rruzullit tokësor me një veturë antike. Ajo ishte nisur nga Brandenburgu, në drejtim të lindjes dhe deri më tani i ka vizituar më tepër se 20 punëtori mekanike në Azerbaixhan, Uzbekistan, Kinë, Singapur apo edhe në Zelandën e Re. Duke treguar për peripecitë e saj gjatë këtij udhëtimi, për „Frankfurter Rundschau“ ajo ka rrëfyer se Turqia ka qenë vendi i vetëm në të cilin ka kaluar pa ndonjë defekt në veturë, ndërsa në Kosovë ajo u ka mundësuar ushtarëve gjermanë të KFOR-it që të argëtohen pak me veturën e saj. Deri më tani, ajo ka kaluar rreth 30 mijë kilometra, ndërsa në Australi është dashur t`ia ndërrojë motorin, pasi nuk kishte mundur të vozitë më tepër se 20 kilometra në orë.
Date: