Gjermani kërkon suvenire nga policia kosovare

Shtetasi gjerman Horst Terschanski, ka për hobi koleksionimin e kapelave të policëve pothuajse nga e gjithë bota. Deri më tani ai ka tubuar 182 ekzemplarë të kapelave dhe për një pensionist gjerman, ky është një angazhim i rëndë. Bodrumi i shtëpisë së tij është një muze i vërtetë, i stërmbushur me kapela, por ka edhe shenja të tjera të policisë. Këtë hobi ai e kishte filluar spontanisht gjatë një pushimi në Austri, para 30 vitesh duke e lutur policin austriak që t`i japë ndonjë shenjë policie. Më pas, ai arrin të tubojë edhe kapela të policisë nga 180 vende të botës, si psh.: Shqipëria, Finlanda apo Letonia, por nuk ka arritë që të pajiset me kapelat e Burkina Faso dhe Guadeloupe, sikurse edhe të Taxhikistanit apo Turkmenistanit. Ai i lutë lexuesit, që nëse udhëtojnë nëpër këto vende, mundësisht ti sjellin kapela apo suvenire të policisë. „Me siguri se ndonjë ekzemplar nga policia e Palestinës do të ishte shumë e vështirë të sigurohej, por po të kisha ndonjë ekzemplarë nga Kosova dhe Mali i Zi, do ta kompletoja koleksionin tim nga Evropa“, deklaron Terschanski për „augsburger-allgemeine.de“.