Shqipëria ka arritur të mposhtë ekipin e Francës në miqësoren e zhvilluar në Elbasan Arena, me rezultat 1 me 0. Golin e vetëm në këtë ndeshje e shënoi Ergys Kaçe, në minutën 43` duke realizuar një supergol nga gjuajtja e lirë, për fitoren e kombëtares shqiptare. Gjatë gjithë pjesës së parë Shqipëria ishte shumë më e mirë se Franca, ndërsa në pjesën e dytë ishin mysafirët të cilët tentuan që eventualisht të barazojnë rezultatin, por Etrit Berisha edhe një herë dëshmoi se është një mbrojtës ndër më të mirët në Serinë A.
Përndryshe, mediet franceze janë të mahnitura me punën e palodhshme që është duke bërë seleksionuesi De Biasi, i cili udhëheqjen e ekipit e ka marrë që nga viti 2011. Duke marrë parasysh numrin e lojtarëve të cilët luajnë jashtë vendit, sidomos ata që luajnë në Zvicër, nuk është për tu çuditur që ekipi „kuq e zi“ tashmë nuk është ekip i vogël.
