Fije argjendi nga Kosova deri në Istër

Në foto: Agron L.

„Parentine“, është grupi i vetëm muzikor në të cilin këndojnë femra me zë të dalluar, nga qyteti i Poreçit në Kroaci, i cili interpreton këngë nga melosi i Istrës, këngë të përshtatura italiane, muzikë amerikane dhe melodi të paharrueshme në gjuhën shqipe
Rrëfimi i shkëlqyeshëm i lidhjeve mes Kosovës dhe Istrës është paraqitur në Muzeun rajonal të Poreçit. Ekspozita “Filigran: fija e argjendit nga Kosova deri në Istër – La filigrana: filo d’argento dal Kosovo all’Istria“ këtyre ditëve u organizua në bashkëpunim me Muzeun etnografik të Istrës, nën patronatin e Ministrisë së Kulturës kroate dhe Zhupanisë së Istrës, ndërsa i është kushtuar kulturës materiale e jomateriale të argjentarëve nga Kosova të cilët në Istër kishin ardhur nga Kosova viteve të 50-ta të shekullit të kaluar. Projetki është realizuar në bashkëpunim me komunitetin pakicë, ndërsa si rezultat është ekspozita e përbashkët dhe katalogu. Autorë të ekspozitës ishin Ivona Orliç, Tamara Nikoliç Gjeriç dhe Agron Leshdedaj. Me interpretimet e saj, mbrëmjen e pasuroi edhe grupi muzikor „Parentine“. Ekspozita mund të shihet në galeritë e Muzeut rajonal të Poreçit deri më 1 shtator të këtij viti, nga e hëna deri të premten, prej orës 10 deri 12. /Vecernji.hr/