Fëmija shumë i dashur që i përngjan Pinokios

I lindur me një hernie të trurit jashtë kafkës, Ollie i vogël nuk do të duket asnjëherë sikur fëmijët e tjerë. „Ai është Pinokio im i vërtetë“, spjegon e ëma e tij.

Ollie Trezise, 21 muajsh, ka lindur me një defekt të rrallë: ai vuan nga një encéphalocèle, një hernie të trurit jashtë kafkës. Në rastin e foshnjes së vogël, një pjesë e trurit është zhvilluar në hundën e tij, përmes një çarje në kafkë. Amy 22-vjeçare, kishte ndjerë se fëmija i saj nuk është sikur të tjerët, pas një ekografie në 20 javët e para të shtatzanisë. Mjekët i kishin spjeguar se kjo sëmundje është e papritur dhe nuk do të mund të ndërmerrnin asgjë. Britanezja i kishte akuzuar mjekët, ndërsa asgjë nuk mundi ta qetësojë nga befasia pasi kishte lindur Ollie, në shkurt të vitit 2014.

„Kur ma sollën në krahë, isha aq shumë e tronditur sa që as nuk mund të flisja. Ishte aq i vogël, me një hundë të madhe të fryrë. Në fillim, nuk i sha e sigurt se unë do të mund të përkujdesem për te. Por, unë isha e bindur se do ta doja, si do që do të dukej pamja e tij“, pohon Amy për „Daily Mail“, njofton „Shtegu.com“. Në nëntor të vitit 2014, ai i ishte nënshtruar një operacioni të rëndë por të suksesshëm, për t`iu hapur pak më tepër vrimat e hundës, në mënyrë që të marrë frymë më lirshëm.

Por, beteja e tij për tu dukur si fëmijët e tjerë është shumë larg dhe në ndërkohë ai iu është nënshtruar ofendimeve të llojllojshme për dukjen e tij. „Një ditë, një grua më tha se nuk është dashur të lindish asnjëherë një fëmijë të tillë. Ia plasa vajit me të madhe“, vazhdon rrëfimin e tmerrshëm Amy, e cila tashmë është shumë krenare për fëmijën e saj : „Ollie për mua është i mrekullueshëm. Ai është Pinokio im i vërtetë“, përfundon Amy.

16:23:40      2015-12-14