Ali Ahmeti, sipas burimeve të afërta me liderin e BDI-së, pas ngjarjeve në Lagjen e Trimave ka marrë kërcënime personale nga të afërmit e të rënëve në Kumanovë, sidomos nga familja e Mirsad Ndrecaj, ndryshe i njohur si komandant Nato dhe nga Beg Rizaj.
Këto kërcënime Ali Ahmeti dhe bashkëpartiakët e tij i kanë marrë shumë seriozisht duke e rritur kështu nivelin e sigurisë së tij deri në maksimum. Madje ata kanë kërkuar dhe kanë marrë mbrojtje edhe nga MPB-ja. Sipas burimeve të Libertas, të afërmit e të rënëve nga Kumanova, për të cilët Ali Ahmeti publikisht tha se njihet me to, kanë kërkuar nga Ahmeti përgjigje se pse janë vrarë Mirsad Ndrecaj dhe Beg Rizaj, të cilët pasi biseduan me Ali Ahmetin iu dorëzuan policisë. /Lajm/