Ish kampioni evropian për kadet, Salihu, në një postim të tij në Facebook ka shkruar se kjo ide i ka lindur, pasi në dy turnet e fundit boksierët shqiptarë dominuan në ringje, duke përfaqësuar shtetet tjera.
“Në muajin nëntor të vitit 2015 u mbajtën dy turne ndërkombëtar të boksit, ku morën pjesë shumë shtete. Turnetë ishin në ombrellën e AIBA-s dhe në kalendarin EUBC. Fotot tregojnë se shqiptarët të ndarë, duke përfaqësuar shtete tjera dominuan në ringje, pas Kosovës dhe Shqipërisë. Mendoj se Federata Shqiptare e boksit duhet të organizoj një kampionat individuale mbarëkombëtar dhe t’i ftojë të gjithë Shqiptarët të marrin pjesë dhe më të mirëve të këtij kampionati t’ju ofrojë shtetësi dhe marrëveshje për ta përfaqësuar Kombëtaren në kampionate ndërkombëtare. Jemi një, kemi një Flamur. Ky është mendimi dhe propozimi im, Faton Salihu”, ka shkruar Faton Salihu, nënkryetar i FBM-së./lajm