Gjatë një udhëtimi me tren në tetor 2020, një grua austriake nga Salzburgu (49) supozohet se takoi dashurinë e saj të madhe, një shtetas të Maqedonisë së Veriut (30). Në atë kohë, banorja e Salzburgut nuk e kishte idenë se i riu së shpejti do të rezultonte një mashtrues dashurie
Ajo i ka transferuar „dashnorit“ të saj rreth 130 mijë euro, i cili është shtirrur për urgjenca të shumta si sëmundje, shpenzime funerali, para për apartamente dhe probleme me policinë.
30-vjeçari dhe nganjëherë edhe një tjetër 30-vjeçar po ashtu nga Maqedonia e Veriut u shfaq në adresën e shtëpisë së gruas së Salzburgut dymbëdhjetë herë për të marrë para prej saj, informon portali Shtegu.
Në fillim të qershorit 2021, gruaja nga Salzburgu u bë e dyshimtë. Megjithatë, autori përdori kërcënime me vdekje për ta nxitur gruan që të vazhdonte t’i dërgonte para.
Në shtator të vitit të kaluar, gruaja nga Salzburgu më në fund e denoncoi shantazhuesin e saj.
Tashmë janë identifikuar dy shtetasit e Maqedonisë së Veriut dhe dhjetë autorë të tjerë. Të gjithë autorët raportohen në prokurorinë publike të Salzburgut për mashtrim të rëndë tregtar dhe autorët kryesorë gjithashtu për shantazh të rëndë.