Si ekspert i bujqësisë dhe si qytetar që e njeh rëndësinë e tokës, ujit dhe një mjedisi të pastër, shpreh mbështetjen time për shqetësimin e drejtë të banorëve të fshatit Rrënzë lidhur me vendosjen e një deponie të mbeturinave pranë vendbanimit.
Menaxhimi i mbeturinave është një nevojë e domosdoshme për çdo shoqëri, por vendosja e një deponie duhet të bëhet vetëm në lokacione të përshtatshme, pas analizave profesionale dhe me respektimin e të gjitha kritereve mjedisore e ligjore.
Një deponi pranë zonave të banuara dhe tokave bujqësore mund të paraqesë rrezik për ndotjen e tokës, ujërave nëntokësore, ajrit, si dhe për shëndetin e banorëve. Toka bujqësore është një pasuri që duhet ruajtur, sepse nga ajo varet ushqimi dhe mirëqenia e brezave të ardhshëm.
Kërkoj që institucionet përgjegjëse ta rishikojnë me seriozitet këtë vendim, duke u bazuar në ekspertiza profesionale, në vlerësimin e ndikimit në mjedis dhe në interesin e komunitetit.
Ne nuk jemi kundër zgjidhjes së problemit të mbeturinave, por jemi kundër vendosjes së tyre në një vend që mund të dëmtojë fshatin, tokën dhe shëndetin e njerëzve.
Mbrojtja e mjedisit dhe e tokës sonë është detyrë e secilit prej nesh. Një mjedis sa më i pastër u mundëson njerëzve të jetojnë në një shoqëri më të shëndetshme.
Me respekt,
M.Sc. Miftar Tërshnjaku
12.07.2026
Plavë – Sharr