Avioni rrëzohet mbi ndërtesë!

Në qytezën e vogël Plainville të Massachusetss-it në SHBA, natën e së hënës kanë humbur jetën tre persona të një avioni të vogël privat, gjatë rrëzimit të tij. Si për ndonjë mrrekulli, banorët e ndërtesës shpëtuan pa lëndime
Sipas informatave të autoriteteve vendore, rreth orës 16.45 të kohës lokale, një avion i vogël privat është rrëzuar mbi një ndërtesë në Plainville të Massachusetts-it. Si piloti, po ashtu edhe dy pasagjerët e tij nuk i shpëtuan aksidentit.
Siç mund të shihet edhe në fotot e dëshmitarëve, gjithë kulmin e ndërtesës e përfshiu flaka.
Sipas informatave policore, të gjithë banorët e ndërtesës janë tmerruar nga aksidenti, por që të gjithë kanë shpëtuar pa ndonjë lëndim.
Shkaku i rrëzimit ende është i panjohur, ndërsa autoritetet përkatëse vendore kanë filluar hetimet.