Një video mizore dhe tronditëse që vie nga Maqedonia, është duke qarkulluar nëpër internet. Fillimisht, një grup i gjuetarëve e godet një ujk të plagosur rëndë dhe të pambrojtur, ndërsa më vonë, ata i fusin një cigare në feçkë.
Kafshën e lënduar rëndë, ata e lidhin mbi një traktor. Njëri nga ta incizon ngjarjen, ndërsa tjetri e godet pandërprerë në kokë. Torturat ndaj kafshës mund të shihen në sytë e ujkut, përderisa gjuetarët qeshen me të madhe. Më pas ata i fusin bishës dy cigare në feçkë.
Sipas portalit „tetova1.com“, ngjarja ka ndodhur në një fshat të Maqedonisë Lindore, ndërsa e përditshmja austriake „Heute.at“ informon se videoja është bërë publike nga organizata lokale për mbrojtjen e kafshëve „Anima Mundi“, transmeton „Shtegu.com“. Një zëdhënës i organizatës është paraqitur i shokuar: „Ata nuk u kënaqën duke keqtrajtuar ujkun deri në vdekje, por u përpoqën që minutat e tij të fundit t`i përjetojë në mënyrë sa më mizore“.
https://www.youtube.com/watch?v=cIDV2hquvy0