01:09:08 2015-12-21
Në Bayreuth të Gjermanisë, mbrëmjen e së dielës janë vrarë tre persona në lokacionin „St. Johannis-Friedhof“. Një person tjetër është plagosur rëndë. Sipas portalit „Nordbayern.de“ rreth orës 21.30 policia gjermane ishte alarmuar nga një thirrje urgjente, ndërsa në vendin e ngjarjes ata kishin gjetur tre viktima. Pranë tyre është gjetur edhe arma e krimit, njofton „Shtegu.com“. Prokuroria dhe policia janë duke i zhvilluar aktualisht hetimet. Sipas informatave të fundit, bëhet fjalë për një lidhje dashurie. Viktimat janë babai, vajza si dhe i dashuri i ri! Në afërsi të vendngjarjes është gjetur edhe arma e krimit, ndërsa autori dyshohet se është ish i dashur i vajzës. Lidhur me identitetin e viktimave dhe autorit të vrasjes, policia ende nuk ka dalë me ndonjë komunikatë.