Zvicra dëbon tetë punëtorë ilegalë serbë

Pasditen e së hënës, pas një kontrolli të Entit ekonomik zviceran, janë arrestuar tetë punëtorë ilegalë serbë në një kantier në rrugën „Eichbühlhangstrasse“ në Bazenheid. Pasi ilegalisht kanë punuar në Zvicër, ata do të dëbohen në vendlindje, shkruan „20 Minuten.ch“, transmeton „Shtegu.com“. Se në cilën sipërmarrje kanë qenë të angazhuar personat në fjalë, mbetet e paqartë, ka deklaruar zëdhënësi i policisë, Gian Andrea Rezzoli. Sipërmarrjet të cilat i punësojnë punëtorët ilegalisht, duhet të llogaritin në dënime marramendëse.