Xhemaili në Young Boys ?!

41 Lexime

Ekipi i Yong Boysit nga Berna, ka shprehur dëshirën e madhe që në radhët e tij ta ketë edhe mesfushorin shqiptar me prejardhje nga Tetova, Blerim Xhemailin. Në një analizë të gjendjes aktuale në ekip, udhëheqësit e ekipit kanë deklaruar se Xhemaili do të ishte lojtari më ideal i mesfushës, pas ardhjes së dy lojtarëve nga Benfica e Lisbonës, Miralem Sulejmanit dhe Loris Benito, të cilët ekipit i kushtuan plot 1,5 milionë franga zvicerane. Me ardhjen eventuale të Xhemailit, klubi është duke ëndërruar për titullin e kampionit të cilin për herë të fundit e kishte fituar në vitin 1986. Por, duhet pritur se äka do të vendosë Blerimi, të cilit ekipi i Sionit i kishte ofruar një pagë të majme (tek Galatasary ai kishte nënshkruar për 2,5 milonë franga). Aq para, ekipi nga Berna si duket nuk mund t`i sigurojë, por mbetet të shihet në ditët e ardhshme se çka do të vendosë Xhemaili.