LAJM I FUNDIT: Politikani holandez nxitë protesta duke emetuar karikatura të Profetit Muhamed

55 Lexime

Gjatë të mërkurës, një spot televiziv i populistit të djathtë holandez, Geert Wilders është përkujdesur të shkaktojë reagime të shumtë. Ambasadat holandeze tashmë janë parapërgatitur për protesta të mundshme.
Për tre minuta të tërë, Wildersi ka shfrytëzuar spotin në një program televiziv që i takon partive të djathta, para emetimit të lajmeve. Para se të emetohej spoti, ai kishte theksuar se një gjë të tillë e bën „për të mbrojtur lirinë e mendimit nga dhuna“.
Me këtë rast, ai iu referua një sulmi gjatë konkursit të karikaturave për Profetin Muhamed, i cili ishte mbajtur në Texas të SHBA-ve, për të cilin përgjegjësinë e kishte marrë Organizata xhihadiste e Shtetit Islamik.
Shumica e myslimanëve, karikaturat e Profetit Muhamed i shohin si blasfemi dhe ndjehen të provokuar rëndë. Prokuroria shtetërore holandeze është paraqitur lidhur me ankesat që i kanë ardhë në adresën e saj, duke cekur se bëhet fjalë për një përmbajtje „shumë të komlikuar“ juridike.
Sipas medieve holandeze, ambasadave hoolandeze jashtë vendit u është bërë thirrje që të ndërmarrin masa paraprake në rast të protestave eventuale.