Vuçiçit do t`i mbetet edhe shumë kohë dora e pajtimit në ajër

Njëzet vite pas luftërave në Ballkanin Perëndimor. rruga e pajtimit mbetet ende shumë e gjatë, shkruan „Nachrichten.at“. Më së miri këtë e përjetoi kryeministri serb Aleksandar Vuçiç gjatë të shtunës. Gjatë përkujtimit të njëzetvjetorit të masakrës së Srebrenicës, ai u pritë me fërshëllima dhe hedhje të gurëve, shisheve, këpucëve dhe gjithçka që u gjindej përdore demonstrantëve, të cilat hidheshin në drejtim të kryeministrit serb dhe truprojeve të tij.
„Vriteni Vuçiçin“, thërrisnin sulmuesit, e gjithashtu dëgjohej edhe „Allahu Ekber“. Disa orë më parë, pritja e kryeministrit serb në shënimin e përvjetorit në Potoçari kishte një pamje krejtësisht ndryshe. „Ti je i ri, ti mund ta përmirësosh përsëri gjendjen“, i kishte thënë një „nënë nga Srebrenica“ Vuçiçit. Për gruan e cila në korrik të vitit 1995 i kishte humbur më të dashurit e saj, nuk ishte ky një gjest shumë i thjeshtë.
Edhe për kryeministrin serb (një ish ultranacionalist), vendimi për të marrë pjesë në shënimin e përvjetorit të Srebrenicës, nuk ka qenë edhe aq i lehtë. Pasi ai vendosi të marrë pjesë në këtë manifestim si kryeministri i parë serb.
„Për çdo serb të vrarë do të vrasim njëqind myslimanë“, shihej në një trasnparent të një demonstruesi në Potoçari. Këtë fjali ai e kishte thënë gjatë luftës së Bosnjës (1992–1995).
Pas ngjarjes, Vuçiçi personalisht kishte deklaruar: „Dora ime e pajtimit ende mbetet e zgjatur. Unë do ta vazhdoj politikën time“, ka thënë ai, dukshëm i shqetësuar pas kthimit të tij në Beograd.