Mosedukata në Zvicër paguhet shtrenjtë

40 Lexime

Një kosovar i ri, si i vetmi i familjes pesanëtarëshe, ngelë pa pasaportë të kuqe zvicerane. Ai e kishte fotografuar një kolege gjatë marrëdhënieve intime dhe ia kishte dërguar fotot.
Pakujdesia e vogël e kosovarit 14-vjeçar, atij i kishte shkaktuar probleme të mëdha: Pasi në rrethinën e qytetit të Bielit në pranverën e vitit të kaluar, gjatë marrëdhënieve intime e kishte fotografuar kolegen e tij dhe më pas ia kishte dërguar fotografitë asaj, nga Prokuroria e të rinjve të rrethinës Berner Jura-Seeland, në korrik të vitit të kaluar ishte shpallur fajtor, duke u ndëshkuar.
Për Sekretariatin shtetëror zviceran për migrim, kjo ishte një arsye e mjaftueshme që nga familja e tij pesanëtarëshe, të vetmit atij, t`i mohohet e drejta për pasaportë zvicerane. Sipas arsyetimit të zyrtarëve, ai nuk i ka plotësuar kushtet e nevojshme. Nga ana tjetër, avokati i të riut kishte paralashtruar ankesë përkatëse.
Por, sipas „Berner Zeitung“, vendimi i instancës së parë është i plotfuqishëm dhe nuk ka asgjë kontestuese te mos natyralizimi i tij. Pas një afati prej dy vitesh, i riu ka të drejtë përsëri të nëjë ankesë, ndërsa gjykatësi administrativ ka deklaruar: „Deri atëherë, ai ka kohë që të përmirësohet“. Shpenzimet gjyqësore në një shumë prej 3 mijë frangash zvicerane, do të duhet t`i paguajë personalisht kosovari ri.