Vinçi rrëzohet mbi ndërtesë, tmerrohet shqiptari

Një dëshmitar i rastit ka deklaruar për „20Minuten.ch“ se e kishte porositur një pije në një restorant në Urdorf të Zvicrës, përderisa jo larg tij kishte ndodhur një fatkeqësi spektakolare: Një vinç i madh ndërtimi e kishte humbur baraspeshën dhe ishte rrëzuar mbi një ndërtesë banimi. „Mbetëm gojëhapur“, vazhdon dëshmitari. Gjtihçka ndodhi shumë ngadalë, ndërsa vinçi u rrëzua, pjesa e përparme u shembë mbi çatinë e ndërtesës, ndërsa ajo e pasmja në rrugë.
Policia zvicerane e ka konfirmuar ngjarjen, e cila ka ndoshur rreth orës 15.45, pasditen e së enjtes. Siapas zëdhënsit të policisë, Beat Jost, ndërtesa e goditur është evakuuar menjëherë. Në te për momentin ka qenë vetëm një person, i cili ka pësuar lëndime të lehta, ndërsa persona të tjerë të dëmtuar nuk ka.
Banuesit e ndërtesës nuk kanë mundur të kthehen menjëherë në te, por komuna u ka organizuar një bujtinë të përkohshme për këtë natë. Sipas hetimeve të para dëmi material llogaritet të jetë rreth një milion franga zvicerane, ndërsa hetimet për shkakun e aksidentit vazhdojnë.
Edhe shqiptari Fatlum Idrizaj ka mundur ta vëzhgojë aksidentin. „Se si u shembë vinçi, ishte tmerr i vërtetë“, ka deklaruar ai.