Velesi në fokus të medieve të huaja: 150 domene shkruajnë lajme të rremë

52 Lexime

19:42:33            2016-08-26

 

 

 

 

 

Ekzistojnë qindra e qindra faqe si psh USANewsFlash, 365usaneës.com apo usapoliticsonline.com, të cilat transmetojnë artikuj të rremë pro Trumpit, apo kundër Clintonit, ose për të dy. Karakteristikë e tyre është që të jenë të regjistruara në Maqedoni, në qytetin sharmant të Velesit, shkruan „20 Minutes“ e Francës.

 

 

 

Gazeta britanike „The Guardian“ ka llogaritë 150 emra të domenëve, të identifikuara në Veles dhe ka arritur të kontaktojë njërin nga krijuesit, i cili ka spjeguar për anueshmërinë ndaj kandidatit republikan amerikan, në një qytezë të vogël me më pak se 50 mijë banorë, në zemër të ish Republikës jugosllave të Maqedonisë: „Jemi një faqe e pavarur me qëllim që të përhapim influencën tonë në politikën amerikane. Bashkatdhetarët e mi e vërejtën se çfarë po bëja dhe e kopjuan konceptin tim. Por, ata e bëjnë këtë gjë, vetëm sa për të fituar ndonjë para“.

 

 

 

Larg asaj se kanë të bëjnë me politikën amerikane, përgjegjësit e këtyre faqeve e kanë kuptuar se klikimi i emrit të Trumpit është një hap i rëndësishëm. Pronari i domenit usadailypolitics.com psh ka deklaruar se e bën një gjë të tillë pasi njerëzit më së tepërmi interesohen për Donald Trumpin. E di se gjithçka që shkruhet për te nuk është e vërtetë, e gjithashtu e di se edhe ajo që shkruhet nëpër ueb faqet e portaleve maqedonase gjithashtu nuk është e vërtetë“.

 

 

 

Këta gazetarë të rremë maqedonas nuk kanë treguar se sa fitojnë duke i falënderuar kësaj metode, por supozohet se një faqe e tillë mund të sjellë fitim prej 10.000 deri 40.0000 dollarë për një muaj, shkruan më tej „The Guardian“, njofton „Shtegu.com“.