20:37:32 2016-08-26
Një prind 33-vjeçar maqedonas i ka sjellë në rrezik jete tre fëmijët e vet. Gjatë vozitjes marramendëse, ata kanë qenë të ulur në karriget e fundit, pa ulëse për fëmijë.
„Fëmijët ishin të uritur, ndërsa unë duhesha të shpejtoja sa më shumë“, kështu është arsyetuar shtetasi maqedonas, i cili me vete ka pasur fëmijët e moshës 20 muajshe, 4 dhe 8-vjeçare, pa pasur për ta karrige për fëmijë. Sipas tij, karriget kanë qenë në një tjetër veturë. Përse ai me veturën e tij të llojit „BMW 330i“ ka vozitur me 231 km/h në autostradën A7, ndërsa radari e ka regjistruar në Wigoltingen të Zvicrës, gjatë ditës së djeshme në Gjykatën e rrethit të Weinfeldenit, shtetasi maqedonas nuk ka ditur të spjegojë. „Nuk e di se çfarë ndodhi, por vetëm e di se e kam bërë një gabim trashanik“, ka deklaruar shtetasi maqedonas për „Thurgauer Zeitung“, njofton „Shtegu.com“.
Llogaria e kësaj çmendurie nga fundi i vitit 2014 është: Dënim me kusht prej pesëmbëdhjetë muajsh burg, konfiskimi i patentë shoferit për dy vite dhe një gjobë prej 7 mijë frangave zvicerane, duke i shtuar kësaj edhe shpenzimet gjyqësore. Vetura e tij është shitur përmes ankandit të detyruar për vetëm 1.700 franga.