Vdes gazetari zviceran që aq shumë raportoi për shqiptarët

20:22:50               2016-09-01

Gazetari zviceran që raportonte nga gjykata zvicerane, Attila Szenogrady ka ndërruar jetë mbrëmë në Cyrih të Zvicrës. Në fillim të muajit gusht të këtij viti, gjatë pushimit në Hungari, ai pësoi një goditje në tru.

Pesëdhjetëvjeçari ka raportuar për mediet zvicerane për 22 vite me radhë, ndërsa ka qenë korrespodent edhe i të përditshmes „20 Minuten“, për të cilën ka raportuar për seancat gjyqësore. Shumica e shkrimeve të tij përfshinin seancat gjyqësore ndaj shtetasve shqiptarë, kosovarë, maqedonas e të popujve të tjerë nga Ballkani. Brenda një dite ai ka mund të përcjellë tre apo edhe më tepër seanca gjyqësore, shkruan „20 Minuten“, njofton „Shtegu.com“.