„Shtegu.com“ solidarizohet në mbrojtje të fjalës së lirë

06:42:02             2016-09-02

Portali „Shtegu.com“ i bashkëngjitet solidarizimit të medieve shqiptare në Maqedoni për „Tetova Sot“, kundër kërcënimit të pronarit të saj , Rami Mislimi i cili është kërcënuar me vdekje dhe ofendime në familje.

„Shtegu.com“ apelon tek secili funksionarë që të përmbahet dhe të lejojë që gazetarët dhe mediat të bëjnë punën e tyre në mënyrën sa më të mirë të mundëshme për të informuar opinionin publik.

„Shtegu.com“ rikujton se kërcënimet e tilla janë të papranueshme dhe nuk do të arrijnë ta ndalin fjalën e lirë për ngjarjet me interes publik duke konsideruar se tensionet dhe kërcënimet ndaj gazetarëve dhe mediave në përgjithësi duhet ulur për të arritur në një nivel europian ku fjala e lirë ka vendin gjithmonë e para.