Shkelzen Gashi (27) në ndeshjen kundër ekipit YB, u dërgua nga trajneri Urs Fischer në tribunë. Vallë a i mbetet golashënuesit më të mirë në dy vitet e fundit në Superligën zvicerane, roli i rezervistit apo ndoshta zviceranët e morën në sy të keq Shkelzenin pas angazhimit të tij në Kombëtaren shqiptare?
Dhjetë pikë përparësi nga vendi i dytë të cilin e mbanë GC, ndërsa dymbëdhjetë pikë më tepër se YB i tretë: FC Basel është duke marshuar pa pengesa drejt titullit të shtatë rradhazi në Kampionatin zviceran në futboll.
Festa sportive e Baselit u kurorëzua edhe me praninë e tenistit Roger Federer, i cili ka festuar me një shall blu e kuq në qafë.
Të gjithë janë në eufori, me përjashtim të Shkelzen Gashit, pasi kësaj radhe ai nuk ishte në njëmbëdhjetëshin e parë. Si duket, për golashënuesi shqiptar i cili gjatë dy viteve të fundit (19 dhge 22 gola) ishte më i miri në Zvicër, gjatë këtij sezoni nuk do të ketë më vend në ekipin e FC Baselit.
Përse, parashtron pyetjen „Blick“? Trajneri Urs Fischer ka pohuar: „Ne kemi një kuadër prej 28 lojtarësh. Por, vetëm 18 mund të luajnë“. Vallë, ka të bëjë mosangazhimi i Shkelzenit me pjesëmarrjen e tij në Kombëtaren shqiptare, parashtron pyetjen „Shtegu.com“.
Përderisa të zbulohet „injorimi“ i tij nga ana e trajnerit, për Gashin si ngushëllim mbetet fotoja e përbashkët me mbretin e tenisit, Roger Federer.
Lidhur me mosangazhimin e tij te FC Baseli, është pronocuar edhe komunisti i „Blick“, Kubilay Türkyilmaz, i cili mendon se Gashi duhet sa më shpejtë të largohet nga ky ekip, pasi ai rrezikon të shkatërrojë gjithë atë që e ka arritur si golashënues më i mirë në dy vitet e fundit dhe rrezikon të humbë vendin në Kombëtaren shqiptare.
„Edhe tek unë ka ndodhë e njëjta gjë, kur isha te Brescia, pasi erdhi një trajner i ri. Ai më injoronte dhe unë vendosa shumë shpejt, u largova dhe shkova te Lugano. Për Gashin nuk duhet patjetërsisht të jetë Lugano. Me kualitetet e tij para golit, ai me siguri do të zëjë vend në Bundesligë. Ju garantoj“.