Një grua e re 23-vjeçare nga Shqipëria, është goditur nga një tren mallrash në një stacion hekurudhor në Neustadt të Gjermanisë dhe ka ndërruar jetë në vendin e ngjarjes. Ngjarja ka ndodhur gjatë të mërkurës pak pas orës 15.00.
Sipas rrëfimeve të dëshmitarëve të ngjarjes, policia gjermane ka konkluduar se bëhet fjalë për një aksident tragjik. Se si ka ndodhur aksidenti, ende mbetet e paqartë. Kufoma e gruas shqiptare është dërguar në morgun më të afërt, ndërsa familja e saj e afërt është nën përkujdesje të shërbimit për intervenim në rast krize, nën shoqërimin e një përkthyesi, shkruan „Bild.de“.