Natën e së hënës, një zjarr shkatërrues shpërtheu në ëiggen të Lucernit
Natën e së hënës, një ndërtesë banimi në ëiggen të Lucernit u dogj. Sipas të dhënave të policisë, tre persona kanë humbur jetën. Sipas „20 Minuten“ mund të bëhet fjalë për fëmijët gjashtë, shtatë dhe nëntëvjeçarë Alea, Nia dhe Soeren O., të cilët paraprakisht llogariteshin si të zhdukur.
Sipas hulumtimit, nëna B.O.* dhe partneri i saj kanë jetuar së bashku me fëmijët në banesën e poshtme, transmeton portali Shtegu. Ish-bashkëshorti i O. jetonte në apartamentin e sipërm. Sipas policisë, dy nga tre të rriturit u detyruan të dërgoheshin në spital me plagë të rënda me helikopter. I rrituri i tretë u plagos vetëm lehtë.
Pas zjarrit janë gjetur edhe trupat e pajetë të fëmijëve. Identifikimi i trupave është kryer në bashkëpunim me Institutin e Mjekësisë Ligjore në Universitetin e Cyrihut. Shkaku i zjarrit po hetohet nga zjarrfikësit e policisë së Lucernit.
Siç kishte shpjeguar më herët policia në një konferencë për media, pas zjarrit janë zhdukur tre fëmijë që kanë qenë në shtëpi në momentin e shkaktimit të zjarrit. Sipas njoftimeve të policisë, bëhet fjalë për dy vajza (gjashtë dhe shtatë vjeç) dhe një djalë nëntëvjeçar.