LAJME

Tmerrohen gjermanët nga mbishkrimi: Ose fëmijët tuaj do të luten tek Allahu, ose do të vdesin

39 Lexime

Banorët e qytetit Hilden në Gjermani janë shokuar nga disa mbishkrime të ngjitura nëpër urat në disa pjesë të autostradës. Në njërën nga to, disa të panjohur kishin ngjitur mbishkrimin me fjalinë: „Ose fëmijët tuaj do të luten tek Allahu, ose do të vdesin“. Tani është duke hetuar sigurimi shtetëror për të gjetur autorët e veprës.

 

 

Për vozitësit nga rrethina e Hildenit, mbishkrimi ka qenë i pashmangshëm: Në urën për këmbësorë „Zum Forsthaus“, në autostradën 46, në drejtim të Düsseldorfit, qëndronte i varur mbishkrimi me fjalinë: „Ose fëmijët tuaj do të luten tek Allahu, ose do të vdesin“.

 

 

Është plotësisht e paqartë se kush ka mundur të varrë një mbishkrim të tillë, shkruan „Fokus.de“, njofton „Shtegu.com“. „Menjëherë kemi dërguar forca të sigurisë“, ka deklaruar një zëdhënës i policisë nga Düsseldorfi. Personeli i një patrulle policore e ka mënjanuar menjëherë mbishkrimin duke hetuar rrethinën.

 

 

Mbishkrime të ngjashme janë vërejtur edhe në krahinat e tjera federale gjermane. Një foto nga Twiteri paraqet një foto me mbishkrim të ngjashëm në autostradën në afërsi të Sindelfingenit.