„Tagblatt.ch“: Maqedonia po e shkelë të drejtën ndërkombëtare

Tash e pesë ditë, rreth 70 migrantë nga Paksitani, Sudani, Kongo, Irani; Maroko, Banglladeshi etj., sipas informatave nga MPB, janë ngujuar në territorin ndërkufitar në mes të Maqedonisë dhe Greqisë, në Gjevgjeli. Siç deklarojnë, ata vetëm duan ta kalojnë kufirin dhe Maqedoninë, e më pas të vazhdojnë rrugën e tyre drejt vendeve të BE-së. Kushtet atmosferike nën të cilat ata presin vendimin për ardhmërinë e tyre janë të rënda, pasi shiu dhe koha e ftohtë janë duke i rritur në masë të madhe vuajtjet e tyre. Nga e premtja, autoritetet maqedonase janë duke lëshuar refugjatë vetëm nga vendet ku ka konflikt ushtarak (Siria, Afganistani dhe Iraku), duke vepruar sipas shembullit të Sllovenisë, Serbisë dhe Kroacisë. Të tjerët cilësohen si „refugjatë ekonomikë“. Por, në drejtësinë humanitare ndërkombëtare nuk ekziston ky term. Çdo azilkërkues ka të drejtë në shqyrtimin e arsyeve për azil, shkruan „Tagblatt“, transmeton „Shtegu.com“.