Në Neukirchen an der Vöckla (rrethi Vöcklabruck) të Austrisë, është konfiskuar një veturë e një vozitësi të krisur. Shtetasi 28-vjeçar maqedonas ishte duke ecur me shpejtësi pothuajse 100 km/h më shumë, mbrëmjen e së martës kur u vu në shënjestër të policisë
28-vjeçari u kap të martën në mbrëmje rreth orës 18:00 në një zonë me shpejtësi 30 km/h jashtë zonës lokale. Policia kreu matje të shpejtësisë në Komunën Neukirchen an der Vöckla, transmeton portali Shtegu. Shtetasi maqedonas po shkone me veturë në shtëpi në Timelkam në Gamperner Straße, ai ishte katër herë më shpejt se sa lejohej.
Vozitsi është matur me një shpejtësi maksimale prej 128 km/h. 28-vjeçarit iu desh të dorëzonte patentën e shoferit. Ai u tha policëve se nuk e kishte vërejtur kufirin e 30 km/h.
Vetura është konfiskuar përkohësisht mbrëmjen e së martës. Mësohet se vetura është e babait të të riut. Sipas policisë, babai do të marrë veturën e tij. 28-vjeçari raportohet në administratën e qarkut Vöcklabruck. Ai përballet me një gjobë të rëndë.