Më në fund përfundojnë torturat e ariut të dehur Tomi (VIDEO)

62 Lexime

11:57:40                  2016-09-03

 

 

 

 

 

Kohë më parë, mediet botërore kishin informuar rreth ariut me emrin Tomi, i cili është keqtrajtuar nga pronari, për të organizuar spektakle për hir të turistëve, nëpër restorante të ndryshëm, pika karburantesh, hotele dhe plazhe në Shqipëri, duke e orientuar kafshën e gjorë në një ekzistencë të mjerueshme.

 

 

 

„Tomi, ariu që konsumon birra, është duke u mbajtur në një kafaz në afërsi të një tualeti të restorantit, ndërsa sjelljet e tij paraqesin çrregullime të rënda. Ai sillet nëpër kafazin e tij, duke i shkaktuar plagë të rënda vetvetes“, kishte alarmuar eksperti për shpëtimin e kafshëve, Thomas Pietsch. „Ariu nuk mund të shijojë lirinë në kafaz, atij i duhet natyrë. I burgosur, ai nuk mund të bëjë jetën e tij normale, të gjejë ushqim, të shëtisë apo të notojë. Në disa raste kemi konstatuar se atij nuk i jepet ujë për të shuar etjen, por birrë“, kishte akuzuar Pietsch në një artikull të „20 Minutes“, njofton „Shtegu.com.

 

 

 

Tashmë, Tomi është liruar në Shqipëri, duke i falënderuar mbrojtësve të kafshëve. Për ta zgjidhur njëherë e përgjithmonë problemin me keqtrajtimin e kafshëve, organizata „Katër shputat“ ka lansuar një peticion në përkrahje të ministrit të Mjedisit, Lefter Koka. Deri më tani, peticioni është nënshkruar nga më tepër se 50.000 persona.
Me ndihmën e anëtarëve të kësaj organizate, të Ministrisë së Mjedisit dhe të policisë shqiptare, Tomi iu konfiskua pronarit të tij, i cili kishte refuzuar të kooperojë.

 

 

 

„Gjithçka shkoi si është më së miri, ariu ishte relativisht i qetë“, ka pohuar eksperti i arinjve, Carsten Hertwig për „20 Minuten“, i cili gjatë lirimit të Tomit ishte në vendngjarje. Pronari më në fund e kishte kuptuar se nuk ka pasur tjetër rrugëdalje, përpos që ta dorëzojë ariun e murmë, i cili sipas ligjeve shqiptare është kafshë e mbrojtur.

 

 

 

Dy veterinerë e kanë kontrolluar Tomin, duke deklaruar se ai ishte në një gjendje të mjerueshme, me dhëmbë të shkatërruar. Më pas, atij i është dhënë ndihmë e nevojshme mjekësore, që më në fund t`i implantohet një mikroçip.

 

 

 

Ekipi i shpëtimit e dërgoi Tomin nga Ulza, në kopshtin zoologjik në Tiranë, ku për tre-katër javë do të rehabilitohet me ushqim normal, e më pas do të zhvendoset në parkun e arinjve në Prishtinë.