Shqiptari luan rolin e Winetou të ri

Një emër të cilin të huajt e kanë pak si të vështirë për ta shqiptuar: Nik Xhelilaj është aktori 32-vjeçar shqiptar, i cili do të luajë rolin e shefit të indianëve, „Winnetou“ të famshëm, shkruan „Bild“, transmeton „Shtegu.com“. Me këtë, janë kompletuar personazhet kryesore për vazhdimin e xhirimit të filmave klasikë të produksionit Karl-May.

Tashmë gjithçka është gati për të filluar xhirimet në Kroaci, aty ku edhe ishte xhiruar për herë të parë „Winteou“ origjinal.

Aty ku aktori tashmë i ndjerë, Pierre Brice si ëinnetou kishte kërkuar thesarin në Liqenin e argjentë, tani Nik Xhelilaj do të kalërojë me flokë të shkapërderdhura nën rrezet e perëndimit të dilellit. Kërkimi ndaj pasardhësit të Pierre Brice, i cili vdiq në muajin qershor të këtij viti, ka qenë shumë i vështirë, i ka deklaruar regjisori Philipp Stölzl gazetës gjermane: „Ne kërkuam pothuajse në gjithë globin tokësor dhe kishim vështirësi, pasi e dinim se mokasinet e Pierre Brice janë shumë të mëdha“.

Nik Xhelilaj, nuk e kishte pasur idenë se kush ka qenë Winetou, por më pas e kishte shfletuar historinë e tij. Filmi i parë, nga tre filmat e ëinetou do të emetohet në vitin 2016 në RTL.