Loris Muqaj fiton çmimin „Prince of the World“
Ai është vetëm katër vjeç dhe tashmë foto model: Loris Muqaj nga Wohleni i Zvicrës ka shkëlqyer në një konkurs talentesh në Turqi, së shpejti do të përshëndesë të gjithë blerësit e gjigantit „Migros“ i veshur me një nga pixhamat e prodhimit të saj.
Për gazetën zvicerane „20 Minuten“ ai ka filluar të shikojë kamerën dhe të performojë në stilin e ndonjë të rrituri, duke përvjelur krahët e duke i hequr syzet e diellit. Lorisi është vetëm katër vjeç. „Ai gjithnjë ka vepruar kështu, që nga mosha më e re“, deklaron e ëma e tij, Shqipe Morina-Muqaj. „Porsa ndokush t`ia drejtojë kamerën, ai menjëherë do të fillojë të performojë“. Karrierën e tij, Lorisi e ka filluar para një viti, kur e ëma e tij i kishte dërguar fotot e të birit në një konkurs për foto model fëmijësh, për të reklamuar pixhamat e gjigantit „Migros“. Papritmas, ajo e kishte pranuar thirrjen e Migrosit të cilët Lorisin e kishin pranuar në konkurrencën e fortë. Nga vera e sivjetme, fytyra e tij do të shihet në pixhamaz e Migrosit, ndërsa si shpërblim për këtë, Lorosi u dhurua me ca të holla dhe natyrisht, një palë pixhame. Kohë të shkurtër pas kësaj, e ëma vazhdoi të postonte foto profesionale të Lorisit dhe përsëri e pranoi një thirrje telefonike. Kësaj radhe nga një agjenci reklamash nga Kosova. Arsyeja: Një konkurs talentesh në Antali të Turqisë. Mbi 40 vajza e djem të moshës 4 deri 18 vjeçare nga vende dhe kontinente të ndryshëm kishin marrë pjesë në këtë manifestim. Lorisi shkëlqeu në konkurs duke kënduar një këngë kosovare. Talenti i tij si këngëtar nuk mjaftoi për një çmim, por ai pranoi çmimin kryesor „Prince of the World“, vendin e parë në moshën e tij, çmimin xhentëllmen dhe styling prix. Me këtë aktivitet, Lorisi është i përkrahur nga shumë persona, tashmë ai ka një faqe të tij personale në Facebook dhe rreth 2260 adhurues.
http://www.20min.ch/videotv/?vid=419945&cid=2