Nga fillimi i qershorit, shqiptari nga Baseli i Zvicrës, Arnold «The Cobra» Gjergjaj e kishte mposhtur kundërshtarin e tij rus Dennis Bakthov me pikë. Tashmë është vërtetuar: Në atë kohë, Bakthov kishte hyrë në betejë me doping.
Rezultatet nga Dennis Bakthov kanë treguar një diagnozë të njohur si Adverse Analytical Finding, me substancën e ndaluar Methylhexaneamine (Dimenthlypentylamine). Nga ana tjetër, tek Arnold Gjergjaj gjithçka ka qenë në rregull. Hetimi është kryer nga organizata zvicerane „Antidoping Schweiz“.
Bakthov e kishte marrë substancën duke e gëlltitur me përzierjen e një vitamini tjetër. Rregullat e lojës dhe këshillat antidoping tashmë janë të njohura për të gjithë pjesëmarrësit. Se çfarë konsekuenca e presin boksierin rus, do të meret vesh nga komisioni adekuat gjatë muajit tetot të këtij viti.
„Na vjen keq dhe e gjykojmë këtë thyerje të rregullës duke shpresuar se do të pasojnë konsekuenca. Arnoldi gjithnjë është angazhuar për një sport të pastër dhe ushtron nën mbikëqyrjen e `Anti Doping Schweiz` dhe rregullisht vëzhgohet edhe gjatë stërvitjeve“, deklaron menaxheri i Arnolditdhe njëherit i klubit të boksit Basel, Angelo Gallina, në një komunikatë zyrtare.
Gjergjaj tashmë i ka filluar përgatitjet e tij për angazhimin e radhës. Operimi i dorës gjatë muajit qershor është kryer me sukses dhe gjithçka është duke shkuar si është më së miri. Se ku dhe kur Kobra do të ballafaqohet herën e ardhshme, për momentin ende nuk është vendosur. Negociatat janë në rrjedhë e sipër, përfundon komunikata në fjalë.