Shqiptari Altin Osmani shkruan histori në futbollin zviceran

59 Lexime

FC Köniz është përkujdesur për një senzacion të vërtetë në të gjashtëmbëdhjetën e finales së Kupës zvicerane, duke eliminuar ekipin e Ligës së parë zvicerane Grasshoppers me rezultat 3:1.
Köniz, një klub me ambicje të mëdha nga rrethina e Bernës (aktualisht garon ën Ligën e parë promovuese zvicerane), me siguri se i ka shkaktuar humbjen më të rëndë favoritit nga Cyrihu, në historinë e tij shumëvjeçare. Fituesi rekord i kupës zvicerane, GC për herë të fundit ishte eliminuar nga një ekip i rangut më të ulët në sezonin 2009/10 (0:1 kundër Lugano në të gjashtëmbëdhjetën e finales së Kupës zvicerane). Por, eliminimi nga ndonjë ekip i cili garon dy rangje më ulët, nuk i ka ndodhur që nga pjesëmarrja e parë në këto gara, para 90 vitesh.

 

 

Më meritori për këtë befasi ka qenë futbollisti shqiptar Altin Osmani, golashënues i Könizit. Avantazhin e hershëm e solli ish lojtari i Ligës së parë zvicerane, Altin Osmani, i cili shënoi nga pika e bardhë, në minutën 5`. Mysafirët arritën të barazojnë menjëherë rezultatin në minutën 7`, por më vonë vendësit kaluan sërish në avantazh, me 2:1, ndërsa fitoren spektakolare e vulosi, kush tjetër, përpos Altin Osmanit, në minutën 87`, i cili gjithashtu ka shënuar 12 gola në nëntë ndeshjet kampionale.