Shqiptarët në Zvicër e falën Bajramin në Kishën Reformiste

Namazi i Bajramit në qytetin Bienne të Zvicrës është falë në Kishën Reformiste të këtij qyteti. Lajmin me fotografi e ka publikuar mërgimtari nga Likova, Mustafë Veseli, trasmeton „Lajm“.

„Urime të gjithë myslimanëve Festën e Fitër Bajramit. Dhashtë i Lartësuari që të hapim zemrat ashtu sikur sot hapën zemrat motrat dhe vëllezërit tanë në humanitet këtu në Bienne (Zvicërr) për ne.

Para se ti hapin dyert e Kishës Reformiste të Biennit ato hapën dyert e shpirtit të besimtarit, një gjest madhor dhe gjithsesi nje gjest për ngjasuesin dhe pasuesin. Gjesti i tyre mori shkëlqimin edhe më të madh kur këta motra dhe vëllezër që nga ora 5 e mëngjesit kishin dalur tek dera për të pritur besimtarët mysliman dhe na dëshironin mirëseardhje në shtëpinë e Zotit. Akoma më prekëse ishte mesazhi i zonjës Remat, e cila mbajti një fjalim përpara motrave dhe vëllezërve mysliman.

Andaj, këtë ditë gëzimi ta festojmë me të gjithë dhe gjithsesi të njihemi më mirë me besimin tonë, pasiqë niveli i kuminikimit duhet në të ardhmen të artikulohet akoma edhe më mirë ngase është i domosdoshëm për të evitaur krisjet dhe ndarjet në shoqërinë multikulturore dhe multiidentitare europiane.

Urime për shumë vjet“, ka shkruar ai në Facebook. Lajmpress raporton se hoxhallarët e kanë përshëndetur këtë akt të muslimanëve të qytetit Bienne.