Mbrëmjen e së premtes, disa persona e kishin sulmuar një familje shqiptare në qendrën e strehimit në Fichtelberg (rrethina Bayreuth) të Gjermanisë, me ç`rast është lënduar bashkëshorti 30-vjeçar. Tani, policia gjermane ka arrestuar dy shtetas rusë.
Sipas informatave të para nga një komunikatë e policisë gjermane, të cilën e transmeton „Shtegu.com“, mbrëmjen e vonë të së premtes, një grup personash është vënë në kërkim të një familjeje treanëtarëshe në një qendër stehimi, duke i shkaktuar lëndime në kokë dhe pjesën e lartë të trupit një shqiptarit 30-vjeçar. Ai është dërguar në spitalin lokal ku i është dhënë ndihma e duhur mjekësore.
Sulmuesit e kishin sulmuar edhe bashkëshorten e tij 24-vjeçare, duke i shkaktuar lëndime të lehta trupore, për të cilat është përkujdesur mjeku kujdestar. Sulmuesit janë arratisur menjëherë, ndërsa policia gjermane ka arrestuar dy rusë nga qendra e strehimit. Ata janë të moshës 24 dhe 37-vjeçare, thuhet në komunikatën e policisë gjermane.