Ende pa i mbushur vetëm dy vite, ndërsa i sëmurë për vdekje: Fëmija i vogël shqiptar, Jasini nga Grenzach-Wyhlen i Gjermanisë, ka nevojë për një donacion të shërimit të palcës së eshtrave. Shumica e gjermanëve kanë shprehur gatishmëri për të ndihmuar, ndërsa tani ka filluar një aksion i madh për tu regjistruar, shkruan „Badische Zeitung“, transmeton „Shtegu.com“.
Kërkimi për një donator të shërimit të palcës së eshtrave për Jasinin e vogël është duke vazhduar: Nën patronatin e kryetarit të komunës, Tobias Benz, Qendra gjermane e të dhënave për shërimin e palcës së eshtrave (DKMS) ka paraparë një aksion që do të mbahet më 18 tetor në „Hochrheinhalle“, për të ndihmuar fëmijën një vjeç e gjysmë shqiptar, i cili është duke vuajtur nga një defekt i rrallë imunitar. Janë paraparë edhe aksione të shumtë me të cilët do të tubohen të hollat e nevojshme, si psh edhe organizimin e tregut nëpër rrugë, në Basler Strasse, prerja e folkëve etj.
Gatishmëria për ndihmë është e madhe, ndërsa e ëma, Adisa Asani, nga brengosja e madhe, nuk ka ndonjë pasqyrë se si mund të përfundojë aksioni.
Të ardhurat nga këto aksione do ti dorëzohen DKMS-së, ku janë duke ndihmuar edhe shumë të afërt të familjes së Jasinit.
Me këtë rast, kryetari i komunës ka deklaruar: „Është shumë me rëndësi t`i jepet kujdes aksionit, i cili do të jetë në shërbim edhe të nevojtarëve të tjerë, të cilët mund të përfitojnë nga grumbullimit i të ardhurave“.
Për t`i ndihmuar Jasinit të vogël, në DKMS duhet të regjistrohen sa më shumë bashkatdhetarë nga Maqedonia, pasi është e mundur që karakteristikat e indeve të tyre të përputhen më mirë, ndërsa donatorët gjermanë nuk do të kenë nevojë të ndërhyjnë.
Jasini është duke vuajtur nga një sëmundje kronike granulomatose, e cila nuk i mundësin jetë të mirë kualitative, si dhe e i ofron një jetë të shkurtër. Para se Jasini të shkojë tu bashkohet moshatarëve të tij për lojë, e ëma është e detyruar rregullisht ta dezinfektojë. Ai me gjithë dëshirë vrapon nëpër shportta e mbushura me rërë, por një gjë të tillë e ka rreptësisht të ndaluar për shkak të bakterieve të shumta, ka spjeguar e ëma e tij.
Llogaria e donacionit të DKMS:
Sparkasse Schopfheim-Zell, IBAN: DE54 6835 1557 0003 2997 99, BIC:, SOLADES1SFH, Stichwort: Jasin.
Termini për aksionin është:
Regjistrimi në DKMS, Sonntag, 18 tetor, nga ora 11.00 deri 16.00, Hochrheinhalle, Hutmattenstrasse 21, Grenzach-Wyhlen
