A është ky plaçkitësi më i marrë shqiptar?!

61 Lexime

Karabinierët nga rrethina Ritten në Itali, kanë arrestuar dy plaçkitës sqiptarë. Fshehja e njërit në dollap nuk i ndihmoi aspak

 
Paraditen e së shtunës, një kalimtar rasti i kishte vërejtur dy persona të dyshimtë në Wolfsgruben am Ritten të Italisë, të cilët shkonin duke u fsheur dhe duke shikuar rreth e përqark. Me këtë rast, ai vendosi që të alarmojë karabinierët.

 
Menjëherë ishte mobilizuar një patrullë e karabinierëve të cilët njërin nga të dyshuarit e kishin takuar para një ndërtese. Por, ai e kishte paralajmëruar bashkëpunëtorin e tij për tu arratisur, ndërsa edhe personalisht filloi të largohet me vrap.

 
Përgjatë kohës që karabinierët u vunë në ndjekje të të dyshuarit, personi i dytë i dyshuar ishte futur në një banesë, dyert e së cilës kishin qenë të thyera.

 
Nuk zgjati edhe aq shumë kohë, deri në zbulimin e plaçkitësit të dyshuar. Shqiptari ishte fshehur në një dollap të banesës, shkruan „stol.it“, transmeton „Shtegu.com“.

 
Pas një ndjekje rreth dy kilometërshe, edhe i dyshuari tjetër arrestohet.

 
Që të dy plaçkitësit e dyshuar shqiptarë ishin dërguar në burgun e qytetit Bolzano dhe do të përgjigjen para organeve gjyqësore.