22:06:07 2016-05-12
Ende nuk është e qartë se kush mund të jetë frikësuar më shumë, papagalli në fluturim që u ndriçua nga radari, apo policia gjermane e cila në foton e radarit është dashur të hetojë pas kundërvajtësit të shpejtësisë?
Policia në Rheinland-Pfalz ka regjistruar një papagall si kundërvajtës i shpejtësisë. Gjatë një kontrolli të shpejtësisë në Zweibrücken të Gjermanisë, policët mbetën të shtangur nga ndriçimi i radarit, edhe përkundër faktit se në afërsi nuk kishte ndonjë veturë, shkruajnë mediet gjermane, njofton „Shtegu.com“.
Sipas informatave policore, në foton e radarit është vërejtur qartë se kundërvajtës i shpejtësisë ka qenë një zog i imët në fluturim.
Gjatë kësaj, papagalli e kishte tejkaluar shpjetësinë në fluturim të ulët me 43 kilometra në orë, në vend të 30 kilometrave të lejuar, me ç`rast kamera ishte vënë në funksion. „Se ku do t`i dërgohet dënimi prej 15 eurosh papagallit, ende mbetet e paqartë“, thuhet në një raport policor.