18:43:06 2016-05-13
„Përbindëshi“ 33-vjeçar nga Rupperswili në Zvicër, pas 146 ditëve në liri, më në fund është arrestuar. Ai është vrasësi më brutal i Zvicrës i të gjitha kohëve. I paskrupullt dhe pedofil, vrasja e katërfishtë nga Rupperswili është edhe më shokuese se sa është paramenduar.
Përbindëshi zviceran, e ka detyruar zviceranen Carla Schauer (48) që të nxjerrë të holla nga banka dhe ka keqtrajtuar të birin e saj trembëdhjetëvjeçar Davinin, e më pas i ka per në fyt dhe më në fund ka djegur shtëpinë me kufomat brenda.
Ai edhe më tej nuk ka qenë i ngopur me gjak, pasi në valixhen e tij polcia ka gjetur edhe pajisje të tjera për vrasje dhe torturë të viktimave, shkruajnë mediet zvicerane, njofton „Shtegu.com“ . Arsyeja e vrasjes makabër, ka qenë orientimi seksual ndaj fëmijës trembëdhjetëvjeçar, ndërsa ka pësuar e gjithë familja.
Për zbulimin e vrasësit, polcia zvicerane kishte shpallur një fletarrest publik, në të cilin parashiheshin 100.000 franga shpërblim për gjetjen e autorit, e të cilat policia nuk do t`i japë, pasi arrestimi i vrasësit nuk ka ndodhur me ndihmën e popullatës.
Para plot pesë muajsh, në shtëpinë e tyre në Rupperswil ishin vrarë brutalisht Carla Schauer (48), djali i saj Davini (13) dhe Dioni (19), si dhe e dashura e tij Simona Fäs (21).
Vrasja e katërfishtë e Rupperswilit, llogaritet si vrasja më e rëndë në Zvicër në dekadat e fundit, ndërsa për ndriäimin e rastit ishin aktivizuar më së shumti persona se sa ndonjëherë më parë.